Ճանապարհային ոստիկանության ճանապարհապարեկային ծառայության բաժնի պետ Նորիկ Սարգսյանը մեկնաբանելով Մարգար Օհանյանի անմեղության հետ կապված իր հայտարարությունը, ավելի ուշ Aravot.am-ին ասաց, որ ինքը ոչ թե մեր լրագրողի հարցին է պատասխանել, այլ «Նովոստի Արմենիա» մամուլի ակումբի ասուլիսի վարողին. «Նա մոտեցավ, ասաց, որ ասուլիսն ավարտվել է եւ ժամանակը սպառվել: Ես նրան եմ պատասխանել այո, ոչ թե լրագրողի հարցին: Իսկ թե Մարգար Օհանյանն անմեղ է, թե ոչ, ես իմ պատասխանն արդեն տվել էի՝ ասելով, որ դա կորոշի դատարանը՝ խորհուրդ եմ տալիս լրագրողներին՝ հետեւել բաց դատական գործընթացներին»:
Անուշ ԽԵՉՈՅԱՆ
