Բանաստեղծ Մարինե Պետրոսյանի գրքերի կեսը «Բյուրոկրատ» գրախանութն արդեն հետ է տվել. «Ասել են, որ այս փոփոխությունների արդյունքում ձեռնտու չէ այդպես վաճառելը, առանց այդ էլ տոկոսը շատ բարձր էր՝ 40 տոկոս գրախանութը պահում էր։ Մի մասը վերադարձրեցին, մի մասը պահեցին, կարծում եմ՝ ժամանակավոր լուծում են գտել»։ Մարինե Պետրոսյանի խոսքերով, մեկ ընդհանուր խնդիր կա. փոխել վերաբերմունքը գրքի, գրականության եւ գրողի նկատմամբ:
Ինչ վերաբերում է գրախանութներին, ապա տրամաբանություն չի տեսնում, թե ինչու պիտի գրախանութը շահագրգռված լինի գիրքը թանկացնելու մեջ, հենց միայն այն պարզ պատճառով, որ գրքերը հիմա էլ են վատ վաճառվում, էլ չասենք դրանք թանկացնելուց հետո: «Գրքերը, որպես ոչ սովորական, առանձնահատուկ ապրանք, ուրիշ վերաբերմունք են պահանջում, հիմա գրքի վրա հարկ դնելով՝ պետությունը ոչ մի օգուտ չի ստանում, ուրիշ բան, երբ սկսեն գիրքը գնել, դրանից հետո պետությունը կարող է օգուտ ստանալ»,- ընդգծեց Մարինեն։
Սոնա ԱԴԱՄՅԱՆ
«Հրապարակ»
