Մեծամասնական ընտրակարգով պատգամավորի թեկնածու Գայանե Առուստամյանի ուսումնասիրությունները պարզել են, որ թիվ 1 ընտրատարածքում ընտրողների թիվն ուռճացված է մի քանի հազարով: Հիշեցնենք, որ նույն ընտրատարածքում առաջադրվել են նաեւ ՀՀԿ-ից Ռուբեն Հայրապետյանն ու «Ժառանգությունից» Ստյոպա Սաֆարյանը:
Տիկին Առուստամյանը նաեւ ասաց, որ ընտրատարածքում իր միակ մրցակիցը Ռուբեն Հայրապետյանն է ու վստահեցրեց՝ իր ընտրողները ողջամիտներն ու ողջերն են, իսկ Ռ. Հայրապետյանինը՝ մեռյալներն ու հանրապետությունից բացակայողները: Հետո էլ բանավեճի հրավիրեց իր միակ մրցակցին:
Կընդունի՞ բանավեճի հրավերը, թե՞ ոչ՝ Ռուբեն Հայրապետյանը Aravot.am-ի հետ զրույցում պատասխանեց. «Բախտս բերել է որ բռնցքամարտի մրցման չի հրավիրել: Այդ Գայանեն երեւի հույսը դրել է շանտաժների վրա: Խորհուրդ կտայի՝ ազնիվ ընտրապայքարի մասնակցի, իր ծրագրերը ներկայացնի, եթե այդքան շնորհք ունի՝ իր կուսակցությունը ներկայացնող բանդայի ծրագրերը… Իրեն կոչ եմ անում քաղաքակիրթ ընտրության գնալ եւ ոչ ինտրիգների: Պարզ է, որ այդ ընտրատարածքում իրեն ոչ ոք չի ճանաչում, իրեն բանի տեղ չեն դնելու, հիմա փորձելու է իմ հաշվին, ինձ վարկաբեկելու հաշվին հեղինակություն ձեռք բերի, չարաչար սխալվում է»:Ruben Hayrapetyan
Իսկ տիկին Առուստամյանին մրցակից համարու՞մ է հարցին, պարոն Հայրապետյանն ասաց, որ ընտրության յուրաքանչյուր մասնակցի իրեն մրցակից է տեսնում:
Կարդացեք նաև
Արփինե ՍԻՄՈՆՅԱՆ
