Հայաստանի քաղաքագետների միության վարչությունը իրազեկում է ձեզ, որ ՀՔՄ կենտրոնական գրասենյակում սույն թվականի ապրիլի 11-ին կայացած հանրային վերահսկողության միջկուսակցական միսանական շտաբի նիստում` բաց հրապարակային քննարկումների արդյունքում, լրագրողների ներկայությամբ ընդունվել է համաձայնագիր` միջկուսակցական միասնական ընտրական շտաբի գործառույթների մասին:
Միջկուսակցական միասնական ընտրական շտաբի գործառույթները
Շտաբի նպատակն է
Ընտրական իրավունքի լիարժեք և անկաշկանդ իրացումն ապահովող ընտրությունների անցկացման հանրային վերահսկողությունը:
Շտաբի հիմնական խնդրիներն են
– Ձևավորել ընտրախախտւմների փաստերի ապացույցների հավաքագրման հուսալի համակարգ,
– Իրականացնել ընտրական ողջ գործընթացի մշտադիտարկում` հետևողականորեն բացահայտելով ընտրակաշառքի, ընտրական նպատակով կատարվող բարեգործությունների, վարչական լծակների օգտագործման, ընտրողների պասիվության մղելու և այլ միջոցներով ընտրական իրավունքի նկատմամբ ոտնձգությունների բոլոր դրսևորումները,
– Ընտրական հանձնաժողովներում հուսալի հանրային վերահսկողություն իրականացնելու նպատակով ձևավորել հանձնաժողովների անդամների, վստահված անձանց ու դիտորդների լայն ցանց և համակարգել դրանց աշխատանքները,
– Ընտրությունների արդյունքների բողոքարկման համար ձևավորել իրավաբանորեն անխոցելի ապացույցների բազա:
Շտաբի աշխատակարգ
– Շտաբը ձևավորվում է մասնակից քաղաքական ուժերի կողմից առաջարկված լիազոր ներկայացուցիչներով:
– Շտաբի նիստերի օրակարգը ձևավորվում է վերոնշյալ հիմնական խնդիրների շրջանակից բխող, քաղաքական ուժերի ներկայացուցիչների առաջարկած` համադրման անհրաժեշտություն ունեցող հարցերով:
– Շտաբը որոշուներ է կայացնում` ձգտելով համախոհության (կոնսենսուսի) նիստին ներկա քաղաքական ուժերի միջև: Համախոհության (կոնսենսուսի) բացակայության դեպքում համաձայնության եկած քաղաքական ուժերը կարող են իրենց անունից հանդես գալ հայտարարությամբ:
– Շտաբի ընդունած որոշումները գործադրվում են մասնակից ուժերի ձևավորված սեփական շտաբերի միջոցով:
– Շտաբի նիստերը նախագահում են քաղաքական ուժերի ներկայացուցիչները հերթականությամբ` այբբենական կարգով, ռոտացիոն սկզբունքով:
– Շտաբի նիստերը գումարվում են Հայաստանի քաղաքագետների միության գրասենյակում, ոչ պակաս քան շաբաթը մեկ անգամ պարբերականությամբ, կամ ըստ անհրաժեշտության` որևէ մասնակցի պահանջով: