Լրահոս
Օրվա լրահոսը

«Ո՞վ է արձագանքելու Ալիևին, Կոնդի առանձնատների ՊՈԱ՞Կ-ը»․ Վահագն Ալեքսանյանն այս հարցից հետո ճեպազրույցն ընդհատեց ու հեռացավ

Սեպտեմբեր 16,2026 13:10 Share
Աջակցեք aravot.am-ին

«Շատ լավ, ավարտեցի՞ք։ Արձագանքի բան չկար, Դուք քաղաքական ելույթ էիք ուզում ունենալ, ունեցաք, ողջունում եմ Ձեզ»,- փաստմանը՝ մեկ օր է՝ Մատենադարանը չի արձագանքում Ալիևի այն հայտարարությանը, որ ՀՀ-ում մզկիթները գոմերի են վերածվել և դիտարկմանը՝ տպավորություն է, որ ՀՀ-ի արտաքին քաղաքականությունը Մատենադարանն է վարում, որովհետև Հաջիևին Մատենադարանն է արձագանքել և հարցին հիմա մենք Մատենադարանի արձագանքի՞ն սպասենք Ալիևի կեղծ հայտարարությունների հետ կապված, թե՞ այլ հիմնարկներից՝ օրինակ` վարչապետի աշխատակազմին առընթեր Կոնդի առանձնատների ՊՈԱ՞Կ-ը գուցե հերքի Ալիևի այս հայտարարությունները, ո՞վ է Ալիևին արձագանքելու, խորհրդարանում լրագրողների հետ ճեպազրույցում այսպես արձագանքեց ԱԺ նախագահի տեղակալ, ՔՊ խմբակցության պատգամավոր Վահագն Ալեքսանյանը։

Լրագրողի հակադարձմանն ի պատասխան՝ պարոն Ալեքսանյան, մի մանիպուլացրեք՝ ո՞վ է արձագանքելու Ալիևի հայտարարությանը, պատգամավորը կրկին պնդեց․ «Դուք ելույթ էիք ուզում ունենալ, լսեցի այն, գնահատեցի, այդտեղ հարց չկար»։ Լրագրողը կրկնեց՝ ո՞վ է արձագանքելու Ալիևի այդ կեղծ տեղեկություններին, Վահագն Ալեքսանյանը պատասխանեց․ «Նկատի ունեք, որ ես չխոսե՞մ, Դուք խոսեք, ամեն բառիս վրա շարունակում եք խոսել»։ Այս ասելով՝ Վահագն Ալեքսանյանն ընդհատեց ճեպազրույցը և հարցն անպատասխան թողնելով՝ հեռացավ։

Վահագն Ալեքսանյանը նաև ասաց, որ մեկ օր առաջ ճեպազրույցում գերիների վերաբերյալ իր խոսքը սխալ է ներկայացվել լրատվամիջոցներում ու պարզաբանեց․ «Արտահայտել եմ հետևյալ միտքը․ եկեք գերիների հարցը դնենք դարակում ու փակենք հանրային քննարկման տեսանկյունից, բայց դուք եղեք վստահ, որ այս հարցը մշտապես մեր աշխատանքային սեղանին է և ցանկացած առիթ օգտագործելու ենք այս հարցի լուծման համար։ Նախադասության կեսն են դրել, իմ միտքն աղճատված է, ակնհայտորեն խեղաթյուրված»։

ԱԺ պատգամավորների ճեպազրույցներն ամբողջությամբ՝ տեսանյութում

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է:

Ամենաընթերցված

Օրացույց
Սեպտեմբեր 2026
Երկ Երե Չոր Հնգ Ուրբ Շաբ Կիր
« Օգո   Հոկ »
 123456
78910111213
14151617181920
21222324252627
282930