«1992 թվականին, երբ ադրբեջանական զորքի հեղեղը գալիս էր, համատարած գաղթ ու խուճապ էր Շահումյանով, Մարտակերտով, ու բոլորը փախչում էին, փառք Աստծո, վիդեոզապիսներն էլ կան. երեւի Սերժ Սարգսյանը Բելաջոյի Գրիշի՞ն է խնդրել, որ կանգնեցնի այդ հեղեղը: Գուցե ասել է՝ բա, Գրիշ ջան, հեղեղը գալիս է, գնա՝ կանգնեցրու: Իսկ մենք, Արաբո ջոկատը, կանգնել ենք դրա դեմ, 70-80 զոհ ենք տվել ու 2-3 օր մի կերպ կանգնել ենք… գուցե իմ տեղը Բելաջոյի Գրի՞շն է եղել: Երեւի դրա՞ համար է նախագահը Բելաջոյի Գրիշին սատարում»,- թիվ 11 ընտրատարածքում առաջադրված Մանվել Եղիազարյանն այսպես պատասխանեց «Առավոտի» հարցին՝ ինչո՞ւ ՀՀԿ-ն չի սատարում իրեն՝ հաշվի առնելով նրա ԵԿՄ անդամ լինելը, իսկ «Երկրապահը» հայտարարել է, որ հանրապետականների հետ է:
«Առավոտ» օրաթերթ
