Այսօր Շիրակի մարզի Ազատան գյուղում Հայաստանի դեմոկրատական կուսակցության ղեկավար Արամ Սարգսյանը քարոզարշավի գնալիս գյուղերին տրակտորներ նվեր տանելը համարեց քաղաքական մի նոր «նոնսենս»: «Երբևիցէ, որևէ տեղ տեսե՞լ եք, որ գրվի «Բարգավաճ Հայաստան» կամ ուրիշ մի անուն և տակը դրված լինեն տրակտորներ: Ի՞նչ կապ ունի կուսակցությունը տրակտոր բաժանելու հետ, ի՞նչ կապ ունի ընդհանրապես քաղաքական ուժը էդպիսի գործողություններ իրականացնի, ու՞մ հաշվին է արել` սեփակա՞ն, այդ դեպքում ասեք, որ այ էս անձը ինքը բերել և ինքն էլ իրացնում է, դա հասկացանք, սա արդեն օրենքի խախտում է: Սրանով սովորեցնում են, ժողովուրդը իրոք նայում է, տեսնում է, որ հնարավորություն կա ինչ-որ ձևով մի բան գոնե պոկել, ասում են գոնե հիմա պոկենք, մեկ ա չեն տալու ուրիշ անգամ, դրա համար հիմա ասում են`չի՞ լինի, որ ամեն տարի լինեն ընտրությունները, գոնե մուրաբայից զատ արդեն կարող է մի քիչ թանկ բան ստանան նվեր, էլի: Սա ուղղակի այլասերում է , բացահայատ այլասերում է մեր ժողովրդին: Անբարոյական հասարակարգում համերաշխ երկիր ու ժողովուրդ չի լինում»,- ասաց Դեմկուսի ղեկավարը:
Ըստ Արամ Սարգսյանի, այս ամենը հետևանք է այն բանի, որ կոալիցիոն կուսակցությունները համոզված չեն, որ կարողանալու են ապահովել իրենց մեծամասնությունը խորհրդարանում, այդ պատճառով էլ ամեն մի ձայնի համար անձամբ են կռիվ մղում:
Նունե ԱՐԵՎՇԱՏՅԱՆ
Կարդացեք նաև
