Ֆինլանդիայի Վանտաա քաղաքում այսօր մեկնարկեց հունահռոմեական ըմբշամարտի օլիմպիական վերջին վարկանիշային մրցաշարը:
Հայաստանի ներկայացուցիչներն արդեն անցկացրել են իրենց առաջին գոտեմարտերը: 55 կգ քաշային Ռոման Ամոյանը պարտության է մատնել լեհ Մարիուշ Լոսին, Հովհաննես Վարդերեսյանը (66կգ) պայքարից դուրս է մղել Կոլումբիայի ներկայացուցիչ Իվան Դուկե Արանգոյին, իսկ 84 կգ քաշային Արթուր Շահինյանը հաղթահարել է չինացի Նին Դուանի արգելքը:
Մրցաշարի պաշտոնական կայքում այս պահի դրությանբ ազատ ոճային, գերծանր քաշային Ռուսլան Բասիեւի մրցելույթների մասին ոչ մի տեղեկություն չկա:
Աշոտ ՀԱԿՈԲՅԱՆ