«Բարգավաճ Հայաստան» եւ Հայ ազգային կոնգրես դաշինքի ներքին պառակտումների մասին խոսակցությունները կառավարման փորձագետ Հարություն Մեսրոպյանի գնահատմամբ իմիտացիա կամ «սպիտակ աղմուկ» են: «Ցանկացած հակասություններ, դաշինքներ, հետո դաշինքների փլուզումները իմիտացիա են, խորքայինը հետեւյալն է, որ մենք Հայաստանում գնում ենք դեպի ողբերգություն, որովհետեւ մեզ մոտ փլվում են պետական գործունեության գրեթե բոլոր ոլորտները: Այս ֆոնի վրա խոսել, թե ով ում հետ ժամանակավորապես դաշնակից եղավ, մեկը մյուսին ժամանակավորապես փնովեց, բամբասանքների դաշտ է… Մուտիլովկաները թողնենք մի կողմ»,- Aravot.am-ին ասաց պարոն Մեսրոպյանը:
Նրա խոսքերով, առաջիկա նախագահական ընտրություններին ընդառաջ՝ կուսակցությունները բացի մուտիլովկաներից զբաղված են նաեւ իրենց գինը բարձրացնելով:
Իսկ նոր խորհրդարանի մասին փորձագետը ներկայացրեց իր գնահատականները. «Հայաստանում ավանդույթ է ձեւավորվել, որ ամեն հաջորդ խորհրդարանը լինի նախորդից վատը, այս ավանդույթը կայուն ու հուսալի ձեւով շարունակվում է»:
Արփինե ՍԻՄՈՆՅԱՆ
