Համացանցում արդեն հայտնվել է երգչուհի Լիլիթ Հովհաննիսյանի նոր երգը: «Շատախոս անձրեւ»-ը հեռուստասերիալի soundtrack է, որի երաժշտության եւ խոսքերի հեղինակը Ռուբեն Հախվերդյանն է: Ճիշտ է, տեսահոլովակը դեռ HQ-որակով է, բայց դիտումների պակաս չունի. Յութուբում ընդամենը ժամեր անց 300-ից ավել էր:
«Ես ինչ լավնա», «Շատ լավնա» «Հաջողված է» «Հրաշքա թե կատարումը, թե երգը: Բրավո, love you Lilit Hovhannisyan sooooo much». Սրանք յութուբի մեկնաբանություներն էին, իսկ ահա ֆեյսբուքում Աշխեն Աբրահամյանը մեկնաբանություն էր թողել երգչուհու պաշտոնական էջում, որտեղ նույնպես տեղադրված էր վիդեոն:
«Ռուբեն Հախվերդյանը այս երգը շատ լավ է կատարում, ինչպես նաեւ դուք»,– գրել էր նա: Իսկ Քրիստինե Կակոյանն էլ ամբողջ օրը լսել է այդ երգը, ասում է` հրաշք է:
Լիլիթ Հովհաննիսյանի «Շատախոս անձրեւ»-ի տեւողությունը 3 րոպե 31 վայրկյան է:
Արամ Արարատյան
