Էրեբունի-Նուբարաշեն համայնքների վարչական շրջանների ընդհանուր իրավասության դատարանը, Վլադիմիր Գրիգորյանի նախագահությամբ, հրապարակեց ցմահ ազատազրկման դատապարտված Արսեն Արծրունու գործով վճիռը: Արտագնա դատական նիստին մասնակցելու էին եկել Արծրունու հարազատները՝ կինը, եղբայրը: Սակայն չնայած այն հանգամանքին, որ փաստաբան, Արծրունու ներկայացուցիչ Ռուբեն Ռշտունին երկու անգամ ընդհատեց վճռի հրապարակումը, ասելով, որ հարազատներին ներս չեն թողել՝ դատավորը շարունակեց հրապարակել:
Ըստ վճռի, Արսեն Արծրունու նկատմամբ կայացրած 1996թ. դեկտեմբերի 10-ի թիվ 10 դատավճիռը կվերանայվի, կհամապատասխանեցվի ՀՀ քրեական օրենսգրքի 222-ի առաջին մասի եւ 38-104 հոդվածի 2-րդ մասի 1-ին կետին, սակայն նրա խափանման միջոցը թողնվեց անփոփոխ:
Դատական նիստից հետո Aravot.am-ի հարցին, թե արդյոք հայաստանյան դատարաններում դատավճռի վերանայման դեպքում խափանման միջոց փոխելու դեպքեր եղե՞լ են, նախագահող դատավորը պատասխանեց, որ այդպիսի դեպքերը շատ են եւ կապված է հանցագործության տեսակից:
Կարդացեք նաև
Ռուզան ՄԻՆԱՍՅԱՆ
