Գերմանիայի Սահմանադրական դատարանը թույլատրել է երկրի զինված ուժերին ներքին սպառնալիքների, օրինակ` ահաբեկչության դեմ պայքարում օգտագործել ռազմական միջոցներ: «Право.Ru» -ի փոխանցմամբ` BBC-ն նշում է, որ Երկրորդ համաշխարհային պատերազմի ավարտից հետո առաջին անգամ կթույլատրվի զենքի կիրառումը երկրի տարածքում:
Դատարանի որոշումը մասամբ վերացնում է 2006թ.-ի այն որոշումը, որով արգելվում է երկրի տարածքում բունդեսվերի մասնակցությունը ցանկացած ռազմական գործողության: Մինչ այժմ Գերմանիայում ներքին հակամարտությունների ժամանակ զինված միջամտության իրավունք ուներ միայն ոստիկանությունը:
ՍԴ-ի որոշման համաձայն` զինվորականներն իրավունք կունենան զենք կիրառել «միայն բացառիկ, ճգնաժամային բնույթի իրավիճակներում»: Ընդ որում ուժի կիրառումը պետք է արտոնված լինի դաշնային իշխանությունների կողմից:
Նախկինի պես խստիվ արգելված է ռազմական ուժի կիրառումը «զանգվածային միջացառումների մասնակիցների կողմից հնարավոր սպառնալիքի դեպքում»:
Կարդացեք նաև
«ՓԱՍՏԻՆՖՈ»
