Այսօր առավոտյան Բաքվի ոստիկանությունը ձերբակալել է բլոգեր և ընդդիմադիր երիտասարդական NİDA կազմակերպության ակտիվիստ Զաուր Գուրբանլիին: Ըստ ադրբեջանական «Turan» լրատվական գործակալության, ընդդիմադիր բլոգերին կալանվողները ներկայացել են որպես կազմակերպված հանցավորության դեմ պայքարի վարչության աշխատակիցներ: Թե ինչի մեջ է մեղադրվել Գուրբանլին, գործակալությանն անհայտ է:
Նշենք, որ Զաուր Գուրբանլին հայտնի է համացանցում իր ակտիվությամբ և գործող իշխանությունների նկատմամբ քննադատական վերաբերմունքով:
Ավելացնենք, որ լուրը, որ կալանվածին սկզբում տարել են Յասամալյան վարչություն, ոստիկանական շրջանային բաժնում ժխտվել է: Իսկ հարցերը պարզաբանելու նպատակով լրատվական գործակալության հեռախոսազանգերին Ադրբեջանի ՆԳՆ լրատվական ծառայությունը չի պատասխանել:
«ՓԱՍՏԻՆՖՈ»
