Իրար կողք կողքի շարված տանձ, խնձոր, շրթներկով ներկված դդում, խաղող, բնական մեղր ու Տաշիրի պանիր եւ էլի շատ ուրիշ բարիքներ. Լոռու մարզի Գյուլագարակ համայնքում կայացավ գյուղացու ողջ տարվա աշխատանքի ցուցադրությունը` բերքի տոնը:
Արդեն 12-րդ անգամ մարզի համայնքները, խախտելով աշխարհագրական տարածքային սահմանները, սեղան առ սեղան են հարեւան դառնում:
«Այսօր մենք ցուցադրում ենք մեր բերք ու բարիքը. երկար տարիներ նման արտակարգ բերք ու բարիք չի եղել» ,-ասում է Գուգարքի գյուղապետարանի իրավաբան Գառնիկ Սարգսյանը:
Կարդացեք նաև
Նրա դիտարկմամբ` այս տարվա բերքի եւ մասնավորապես մրգի առատ լինելը պայմանավորված է բնության ընձեռած եղանակային լավ պայմաններով. «Պատճառն այն է, որ ծառերի փոշոտման ժամանակ անձրեւ չեղավ, բնությունը բարեգութ գտնվեց»:
Խոսելուն զուգահեռ` նա կտրատում է գյուղի թռչնաբուծական ֆաբրիկայի «արտադրանքը» ` հավը:
«Գեղեցիկ տոն է , ուրախ, բարի, երկու օր պատրաստվել ենք այս օրվան» ,-ասում Արեւաշող համայնքի ներկայացուցիչը:
Անուշ ԲՈՒԼՂԱԴԱՐՅԱՆ
