Բիլբաոյում ավարտվեց շախմատի «Մեծ սաղավարտ-վարպետներ» եզրափակիչ մրցաշարը:
Վերջին տուրում Լեւոն Արոնյանը ոչ-ոքի խաղաց նորվեգացի Մագնուս Կարլսենի հետ եւ 11 միավորով պայքարն ավարտեց երրորդ տեղում: Կարլսենն ու իտալացի երիտասարդ գրոսմայստեր Ֆաբիանո Կարուանան 17-ական միավորով բաժանեցին 1-2-րդ տեղերը եւ կանոնակարգի համաձայն հաղթողին պետք է որոշեին թայ բրեքում: Այստեղ հաջողությունն ուղեկցեց նորվեգացուն եւ աշխարհի թիվ մեկ շախմատիստը հաղթեց 2:0 հաշվով:
Աշոտ ՀԱԿՈԲՅԱՆ
