Նախկին մոդել Սյուզաննա Իբրուն «Մանչեսթեր Յունայթեդի» ֆուտբոլիստ Ռիո Ֆերդինանդին մշտապես հետապնդելու համար դատապարտվել է 1,5 տարվա ազատազրկման: Ոստիկանությունն Իբրուին ձերբակալել էր անցած ամիս այն բանի համար, որ չնայած դատարանը նրան արդեն մեկ անգամ 10 շաբաթով բանտ էր նստեցրել եւ արգելել տասը տարի մոտենալ ֆուտբոլիստի առանձնատանը, որտեղ նա ապրում է կնոջ եւ երեք փոքրիկ երեխաների հետ, մոդելը կրկին հերթապահել է շրջակայքում: Այս անգամ դատարանն արդեն Իբրուի վարքագիծը գնահատել է որպես ոտնձգություն մասնավոր սեփականության նկատմամբ, ինչն Անգլիայի օրենքներով խիստ դատապարտելի է:
Աշոտ ՀԱԿՈԲՅԱՆ
