Տարբեր քաշային կարգերում աշխարհի նախկին չեմպիոն Վախթանգ (Վիկ) Դարչինյանը հայտարարել է, թե հիմա ինքն ազատ գործակալ է եւ իր թիմը մենամարտ կազմակերպելու տարբերակներ է որոնում: 36-ամյա Վիկը գերադասում է «վրեժխնդիր» լինել ռինգում իրեն «նեղացրածներից»` 1-ին կիսաթեթեւ քաշային կարգում WBO չեմպիոն Նոնիտո Դոներից եւ նույն քաշային կարգում WBC տիտղոսը կրող Աբներ Մարեսից: Հատկապես վերջինի մասին «Կատաղի Ցուլն» ասել է. «Նա աշխարհի չեմպիոն է գոտկատեղից ներքեւ հարվածներով: Նա գիտի, որ ինձ չի հաղթել, գիտի նաեւ, թե ինչ կլինի, եթե ինձ հետ կրկին հանդիպի»:
Վախթանգը հոկտեմբերին նվաճել է NABF չեմպիոնի կոչումը թեթեւագույն քաշային կարգում` 10 ռաունդանոց մենամարտում հաղթելով պուերտոռիկացի 25-ամյա Լուիս Օռլանդո Դել Վալեին:
Աշոտ ՀԱԿՈԲՅԱՆ
Կարդացեք նաև
