Երեկ, Երևանի գխավոր ճարտարապետը, խախտելով սահմանադրական կարգը, հանդես էր գալիս, որպես Երևան քաղաքի ավագանի՝ օպերատիվ ձևով հաստատում էր Երևանի զարգացման ծրագիրը և փոփոխոխություններ էր կատարում Գլխավոր հատակագծում:
Մասնավորապես, համարյա քանդեց հանրապետության հրապարակը և քիչ էր մնում, որ կառավարական շենքերն էլ հաներ քաղաքից, ուղղակի «մասնագիտական հստակ համոզվածություն» չուներ…դեռևս:
Մենք բազմիցս ենք անդրադարձել այս խնդրին, երբ ՀՀԿ-ական քաղաքապետն իր թիմակիցներով ոչնչացնում է Ավագանուն, որպես Երևանում տեղական ինքնակառավարման բարձրագույն մարմնի, սակայն անպատիժ ապօրինությունները շարունակվում են: Այդ թվում, փոխանակ, պատասխանատվություն կրելու Երևանը ապականելու համար, սկսած օպերայի շրջակայքից, Երևանի անփառունակ գլխավոր ճարտարապետն, իր գավառական տրամաբանությամբ, շարունակում է անճանաչելի դարձնել մեր Երևանը, բառիս ամենատխուր իմաստով:
Այդ կապակցությամբ, նախաձեռնություն ենք նախապատրաստում, Ավագանու առաջիկա նիստում լսելու Երևանի քաղաքապետի բացատրությունները ավագանու իրավասությունների յուրացման մասին:
«ՀԱԿ-կուսակցությունների դաշինք»
Երևանի Ավագանու խմբակցություն
