Վրաստանի խորհրդարանում ուրբաթ օրը սկսել են քննարկել «Պետական հատուկ պահպանության մասին» օրենքի նոր նախագիծ, ըստ որի այն նախագահից կանցնի կառավարության ենթակայության տակ: Գրում է «Վզգլյադ» թերթը:
Պաշտպանության և ազգային անվտանգության խորհրդարանական հանձնաժողովի նախագահ Իրալկի Սեսիաշվիլին հորդորել է չքաղաքականացնել այս հարցը:
Ըստ նրա, հենց գործադիր իշխանությունն է պատասխանատու երկրի անվտանգության համար, այդ թվում` ռազմավարական կառույցների ու պաշտոնատար անձանց:
«Ուսումնասիրվել է միջազգային փորձը: Միայն չորս երկրներում` Ղրղզստանում, Մոլդովայում, Հայաստանում և Ադրբեջանում է, որ այսպիսի ծառայությունները չեն ենթարկվում ներքին գործերի նախարարությանը, այլ նախագահին», – հայտնել է Սեսիաշվիլին:
Կարդացեք նաև
«Վրաստանի նախագահը այսօր ավելի շատ իրավունքներ ունի, քան հանարվոր է պատկերացնել նրա քաղաքական աջակցության շրջանակներում», – ասել է նա ու նշել, որ օրենքը չի փոխվում ինչ-որ մեկի քաղաքական կամքից ելնելով, այլ` բարեփոխումների շրջանակներում:
Պատրաստեց Հովհաննես ԻՇԽԱՆՅԱՆԸ
