Ֆիլիպինցի անվանի պրոֆեսիոնալ բռնցքամարտիկ, աշխարհի նախկին չեմպիոն Մեենի Պակյաոն, որին բժիշկները խորհուրդ են տալիս ավարտել մարզական կարիերան՝ Պարկինսոնի հիվանդության նախանշանների պատճառով, չի պատրաստվում հետեւել նրանց հորդորներին: «Մի անհանգստացեք: Ես հարյուր տոկոսով առողջ եմ եւ հիմա ընտանիքիս հետ հանգստանում եմ Իսրայելում: Ֆիլիպիններ կվերադառնամ հունվարի 14-ին եւ փետրվարից կսկսեմ մարզվել դահլիճում: Նպատակադրվել եմ մեկ մենամարտ անցկացնել ապրիլին, իսկ սեպտեմբերին ռեվանշ մենամարտ ունենալ Մարկեսի հետ: Բժիշկների հայտարարությունները խոսում են նրանց՝ ոչնչով չհիմնավորված անպատասխանատվության եւ էթիկայի բացակայության մասին», – հայտարարել է Պակյաոն:
Աշոտ ՀԱԿՈԲՅԱՆ
