«Կուսակցություն ստեղծելը ցանկացած մարդկանց խմբի սահմանադրական իրավունքն է, որ իրենք իրականացնում են»,-այսօր «Ա1+»-ի հետ զրույցում ասաց Կանաչների կուսակցության նախագահ Արմենակ Դովլաթյանը:
Ինչ վերաբերում է Լեւոն Զուրաբյանի հայտարարությանը, թե Կոնգրեսի անդամ «մարդ կուսակցությունները» որոշ դեպքերում խոչընդոտում էին որոշումերի ընդունմանը, քանի որ կոնսենսուսով էին դրանք ընդունվում, Արմենակ Դովլաթյանը նկատում է, որ ՀՀ-ում «մարդ- կուսակցություն» գոյություն չունի, եւ ըստ օրենքի պետք է առնվազն 2000 անդամ ունենա կուսակցությունը, որպեսզի Արդարադատության նախարարությունում գրանցվի:
«Ես համաձայն չեմ Լեւոն Զուրաբյանի այդ արտահայտության հետ` «մարդ կուսակցություններ», ինձ էլ են շատ հաճախ դրանց թվում դասել, դա շատ հարաբերական հասկացություն է, եթե դու չունես բավարար ֆինանսական միջոցներ, բայց եղած չնչին ռեսուրսներով կատարում ես շատ ավելի հսկայական աշխատանք, քան շատ հզոր կուսակցություններ, ես այդ փոքր կուսակցություններին անգամ չեմ համեմատում ձեւական բնույթ կրող մեծերի հետ»,-նկատեց պարոն Դովլաթյանը:
Կանաչների կուսակցությունը Կոնգրեսի անդամ է. «Առայժմ դուրս գալու մտադրություն չունենք, եթե ընդհանուր տրամադրությունները չտանեն ՀԱԿ-ի ամբողջական համակարգի լուծարմանը»:
Կարդացեք նաև
Ի դեպ, Արմենակ Դովլաթյանը նկատեց, որ եթե Լեւոն Զուրաբյանը մինչ այժմ հանդես էր գալիս որպես անկուսակցական համակարգող, ապա եթե նա դառնում է ՀԱԿ կուսակցության անդամ, համակարգողի հարցը պետք է քննարկել, նիստերը կարող են ղեկավարվել ռոտացիոն սկզբունքով, կամ որեւէ այլ անկուսակցականի կողմից:
Մանրամասն՝ կարդացեք այստեղ
