«Սկզբունքորեն ավարտում ենք աշխատանքը բովանդակության շուրջ», վստահեցնում է պաշտոնական Երեւանը
Այսօր ՀՀ ԱԳՆ-ում շարունակվեց Հայաստան-ԵՄ Ասոցացման համաձայնագրի բանակցությունների 12-րդ լիագումար նիստը, որի արդյունքներով տեղի ունեցավ ամփոփիչ ասուլիս:
Ասուլիսի բանախոսը` ՀՀ արտաքին գործերի նախարարի տեղակալ, գլխավոր բանակցող Զոհրաբ Մնացականյանը նշեց, որ երեկ եւ այսօր անցկացվել է Հայաստան-ԵՄ Ասոցացման համաձայնագրի բանակցությունների 12-րդ ռաունդը: «Մենք պետք է հասցնենք մեր աշխատանքը ավարտին հասցնել մինչեւ նոյեմբեր Վիլնյուսում կայանալիք գագաթնաժողովը: Մենք սկզբունքուրեն ավարտում ենք աշխատանքը բովանդակության շուրջ, սկզբունքորեն համաձայնեցված, պայմանավորված են բոլոր դրույթները, որեւէ լրացուցիչ ռաունդի կարիք չունենք: Մենք մոտենում ենք Վիլնյուսի գագաթնաժողովին` աշխատանքները ավարտին հասցված»,-նշեց նա:
Մեր հարաբերությունները հիմվում են համընդհանուր արժեքների վրա, նշեց Զոհրաբ Մնացականյանը հավելելով, որ համաձայնագրի ուժի մեջ մտնելը նոր ընթացակարգ է ենթարկելու, նոր օրակարգ է` դրա կիրառման ճանապարհին:
Կարդացեք նաև
ԵՄ կողմից հիմնական բանակցող` Եվրոպական արտաքին հարաբերությունների ծառայության Արեւելյան հարեւանության, Ռուսաստանի եւ Արեւմտյան Բալկանների հարցերով տնօրեն, գլխավոր բանակցող Գունար Վիգանդը նշեց, որ բանակցային գործընթացի վերջին փուլին ենք հասել, բազում սեկտորներ են ներառված համաձայնագրին, առեւտրային բանակցողները եւս երկու փուլ կանցկացնեն մինչեւ Վիլնյուսի գագաթնաժողովը: Զգալի կխթանվի բիզնեսով զբաղվելու պայմանները` կհամապատասխանեցվի ԵՄ չափանիշներին, նշեց Գունար Վիգանդը:
«Մենք խոստանում ենք աշխատել ՀՀ կառավարության հետ, որպեսզի հասարակությանը հասցվի, թե ուժի մեջ ինչ նշանակության համաձայնագիր է կիրառվելու: Սա աբստրակտ փաստաթուղթ չէ, եւ մոտ ապագայում պետք է կիրառվի», նկատեց Գունար Վիգանդը: Նա նշեց, որ գոհ են, որ գրաֆիկով են առաջ ընթանում բանակցային փուլերում: Բանակցությունների քաղաքական մասով աշխատանքը կշարունակվի դեռեւս ԱԺ-ի հետ:
Էմմա ԳԱԲՐԻԵԼՅԱՆ
