Զբոսաշրջիկներին, որոնք չեն ունենա համապատասխան հագուստ Թուրքիայի պատմական մզկիթներ այցելելու համար, կտրամադրվի հատուկ հագուստ` Թուրքիայի զբոսաշրջության նախարարության նոր կանոնադրության համաձայն: Գրում է «Հյուրիեթ» թերթը:
Կին զբոսաշրջիկները գլխաշոր կկապեն և ամբողջ մարմինը ծածկող շորեր կհագնեն: Տղամարդկանց, որոնց հագին անթև շապիկներ ու շորտեր կլինեն, նույնպես հատուկ հագուստ կտրամադրվի:
Հագուստները կլինեն ամենաքիչը վեց գույնի և դրանց վրա որևէ թիվ կամ տառ գրված չի լինի: Ստամբուլի քաղաքապետարանը օգտագործված հագուստը պարբերաբար կլվանա:
Հագուստը կրելու համար զբոսաշրջիկներից գումար չի գանձվի:
Կարդացեք նաև
Սուլթանհամեթ մզկիթում կփորձարկվի ծրագիրը, ապա, ահնրաժեշտության դեպքում, կտարածվի մյուս մզկիթներում:
Ըստ նոր կանոնադրության, աշխատանքային օրերին մզկիթներում շրջագայությունը կտևի մոտ 10 րոպե:
Պատրաստեց Հովհաննես ԻՇԽԱՆՅԱՆԸ
