Րաֆֆի Հովհաննիսյանը՝ ծնողների հորդորի մասին
Այսօր Ազատության հրապարակում հրավիրած ասուլիսում լրագրողները հետաքրքրվեցին արդեն 11 օր հացադուլի մեջ գտնվող Րաֆֆի Հովհաննիսյանից, թե երեկվանից ԱՄՆ-ից եկել են Ձեր ծնողները, նրանք հորդորե՞լ են, որ դուրս գաք հացադուլից, ի՞նչ խորհուրդ են տվել:
Րաֆֆի Հովհաննիսյանը պատասխանեց. «Ռիչարդը եւ Վարդիթերը ինձ տվել են հայեցի կրթություն: Հայկական դպրոց չեմ հաճախել, իրենք են տվել լեզվի, արժեքների, մեր անկախության նկատմամբ նվիրման դասերը: Ինձ համար մեծ օրհնանք է եւ ուժ է, որ միացել են ինձ: Ծնողական հորդոր չկա, մտավախություն կա, որ ես փարատեցի, հուսով եմ: Մայրս մխիթարվում է նրանով, որ մայրս բժշկուհի է, որը միշտ մտահոգված է եղել իմ չաղությամբ: Հիմա արդեն ինքը չի կարող դրա համար խոսել: Դրանից բացի, իհարկե, իրենք ծնողական լիցք են տալիս ինձ, ուրախ եմ, որ իրենք ինձ հետ են: Դեմ դիմաց տեսնելու, թե ինչ որակի ժողովուրդ ունենք այստեղ: Նա, ով իր կաբինետում նստած այս ժողովրդին ասում է ինքնակոչ, սատանա՜, չգիտեմ…:Ռիչարդը եւ Վարդիթերը տեսան ճշմարտությունն ուր է, եւ սուտը, կեղծիքը եւ վերջնական պարտությունն ուր է»:
Րաֆֆի Հովհաննիսյանին միացել է նաեւ իր դուստրը՝ Շուշին:
Կարդացեք նաև
Հռիփսիմե ՋԵԲԵՋՅԱՆ
Անսպասելի է «Առավոտ»-ում տեսնել նման վերնագիր:
Ի՞նչ նպատակ ունի հեղինակը, «Վարդ մամա» գրելով: Ինչքանո՞վ է դա տեղին, եթե նպատակ չի դրվել վիրավորել անձին: Հույս կա, որ չի դրել:
Եթե ինձ բացատրեք, թե ինչու է Վարդ մամա-ն վիրավորական, ես ավելի լավ կպատկերացնեմ ինչ պատասխանել: Րաֆֆի Հովհաննիսյանը եւ առհասարակ ընտանիքը, անդամները, նրան մոտ մարդիկ տիկին Վարդիթերին Վարդ մամա են անվանում: Եվ դրա մեջ վիրավորական ոչինչ չեմ տեսնում, առավել եւս նպատակ՝ որեւէ մեկին վիրավորելու: Շնորհակալություն:
Անձամբ չեմ ճանաչում և չգիտեմ, թե հենց այդպես են անվանում մոտ մարդիկ: Այդ դեպքում միգուցե գրեիք առանց չակերտների:
Այլապես ինձ պես անտեղյակները կարող են մտքում թարգմանել ռուսերեն և սխալ եզրակացություն անել Ձեր իսկ մտադրության մասին: Ինչևէ, Ձեր գործն է:
Ռուսներն ասում են՝ каждый понимает по мере своей испорченности. :)))) Խնդրում եմ չվիրավորվել, ուղղակի այս ասացվածքն ակամայից հիշեցի:
Չեմ վիրավորվում::) Իմ «փչացածության աստիճանը», հնարավոր է, նույնիսկ ավելին է:
Բայց Դուք էլ հո հասկացաք՝ ինչ ի նկատի ունեի: Ուրեմն…. 🙂
Ռուսերեն չէի թարգմանել: Ամեն դեպքում վերնագիրը փոխեմ. Ապշած եմ 🙂
Խոնարհվում եմ այս հայրենասեր ընտանիքի առաջ:Չեմ սիրում այս չարչրկված բառը,բայց իրոք ԱՆՆԱԽԱԴԵՊ է:
Ինչ հաճելի է տեսնել մի քաղաքական գործչի, որը սովորական մարդ է, այն իմաստով, որ իր կողքին ցույց է տալիս իր ծնողներին, իր կնոջը, իր զավակներին: Ամեն օր գրեթե կարելի է տեսնել պարոն Հովհաննիսյանի կնոջը կամ զավակներից մեկին իր հոր կողքին: Իսկական ընտանիքը այդպիսին պիտի լինի` համախմբված, միասնական իրենց ընտանիքի գլխի` տվյալ դեպքում պարոն Հովհաննիսյանի կողքին:Մեր իրականության մեջ մեծ մասամբ խոսվում է որպես կանոն գործիչների սիրուհիների կամ կրիմինալ ազգականների օրինազանցությունների մասին:
Րաֆֆին արժանավոր ընտանիք ունի ի տարբերություն շատ քաղաքական գօրծիչների