Վրաստանում ոռոգման ջուրն անհամեմատ էժան է
Տավուշի մարզի Բագրատաշեն գյուղի (որը սահմանակից է Վրաստանին) բնակիչները «Առավոտի» թղթակցին հայտնեցին, որ մեկ հեկտար հողատարածքը սեզոնի ընթացքում ինքնահոս ջրով ոռոգելու համար իրենք վճարումեն 55 հազար դրամ ջրի վարձ: Դեբեդի մյուս ափին նույնքան հողատարածք ոռոգելու համար Վրաստանի բնակիչները վճարում են 15 լարի, այսինքն՝ մոտ 3750 դրամ: Ախալքալակի շրջանի հայկական դպրոցներից մեկի տնօրենն ասաց, որ իրենց մոտ ուսուցչի դրույքը կազմում է 18 ժամ: Հայաստանում ուսուցչի դրույքը կազմում է 22 ժամ: Ջավախքի այդ դպրոցի տնօրենի վկայությամբ՝ Վրաստանի ուսուցիչները յուրաքանչյուր դասաժամի հաշվով, որպես աշխատավարձ, ամսական ստանում են 15-20 դոլարին համարժեք լարի, դասղեկության համար՝ 50 դոլարին համարժեք լարի: Վրաստանում հանրակրթական դպրոցի տնօրենը ստանում է 500 դոլարին համաժեք ռոճիկ, վարչական աշխատանքից զատ, նրան թույլատրվում է շաբաթական 6 ժամ դասավանդել: Հայաստանում ուսուցիչների աշխատավարձը, կախված նրանց աշխատանքային ստաժից, դասավանդած յուրաքանչյուր դասաժամի հաշվով 3500-4000 դրամ է, դասղեկության համար՝ 8000-12000 դրամ: Ստացվում է ,որ Վրաստանի ուսուցիչները հայ գործընկերների համեմատ գրեթե կրկնակի անգամ ավելի են վարձատրվում:
Կարդացեք նաև
Ոսկան ՍԱՐԳՍՅԱՆ
Բայց մեր ուսուցիչները մի անվիճելի առավելություն ունեն, նրանց մեծ մասը հանրապետական են, իսկ ոմանց էլ նույնիսկ վարչապետն է կուս. տոմս հանձնել հայրենի կրթօջախում, ինչպես ասում են՝ յուր ձեռամբ: