«Գրական մթնոլորտի նշաձողն իջել է, որովհետեւ մասսայական պոպուլիզմի ամեն տեսակ դրսեւորումներին ընդառաջ գնացող գրչակներ կան: Սրա կողքին, սակայն, անուրանալի է Անկախության բերած ազատությունը, որից շատ լուրջ հեղինակներ օգտվում են»,-Aravot.am-ի հետ զրույցում կարծիք հայտնեց բանաստեղծ, թարգմանիչ Արտեմ Հարությունյանը: Նրա ձեւակերպմամբ, այդ ազատությունից օգտվում են նաեւ ոչ որակյալ գրականություն ստեղծողները, որոնց գրքերը երբեմն ամենավաճառվածների թվում են. «Այսօր նեյնիմ-նեյնիմը նորից փոթորկում է… Վիթխարի քանակով շուկա են նետվում ամեն տեսակ գրքեր, որոնք պոեզիայի հետ կապ չունեն: Անճաշակությունը գլուխ է բարձրացրել, որովհետեւ հրատարակչությունները երբեմն տպում են հարուստ գրամոլների: Հարուստ գրամոլը փող է տալիս, ու իր գիրքը լույս է տեսնում շքեղ կազմով, մեջն էլ անհեթեթություններ, հատկապես տարածված են սիրուց վիրավորված, յարից հեռացած գրողների բարբաջանքները»: Բանաստեղծի կարծիքով, վիճակն ավելի լավ կլիներ, եթե «դաշտում» շատ լինեին գրաքննադատները:
Արտեմ Հարությունյանի հետ հարցազրույցի մանրամասները՝ վաղվա տպագիր «Առավոտում»:
Գոհար ՀԱԿՈԲՅԱՆ
Այդպիսի վիճակ է տիրում, նաև, երաժշտարվեստում…