Նորիկ Գեւորգյան
Աջափնյակի 6/04 ընտրատեղամասում ահազանգ կար, որ ընտրողը եկել է քվեարկության եւ տեսել է, որ իր փոխարեն արդեն ընտրել են: Այդ հանձնաժողովի նախագահը՝ Աննա Կարապետյանը Aravot.am-ի հետ զրույցում վստահեցրեց, որ ոչ մի խախտում չի արձանագրվել. «Ժամը 14-ի դրությամբ 1807 ընտրողից 800-ն արդեն քվեարկել են»: Մեր դիտարկմանը, որ մեր տեղեկություններով՝ այս տեղամասում ուրիշի փոխարեն քվեարկություն է եղել՝ նա հերքեց. «Նման բան չի եղել»:
ՀՅԴ-ի վստահված անձը՝ Նորիկ Գեւորգյանը մեզ հետ զրույցում վստահեցրեց հակառակը, որ եղել է նման դեպք առավոտյան. «Մի տղամարդ եկավ ընտրության, տեսավ քվեարկել են իր փոխարեն»:
ՀԱԿ-ի վստահված անձը նույնպես փաստեց, որ իսկապես մեկը եկել էր, տեսավ իր փոխարեն քվեարկել են, աղմուկ բարձրացրեց ու գնաց: Նա ասաց, որ ընտրողի անուն-ազգանունը չեն արձանագրել:
Ուշագրավ էր, որ չնայած ընդդմադիրների վստահված անձինք խախտումն արձանագրել էին, բայց այդ տեղամասի «Ժառանգության» անդամը՝ Նաիրա Հովհաննիսյանը (լուսանկարում) նույնպես հերքեց, որ նման բան է եղել:
Կարդացեք նաև
Հռիփսիմե ՋԵԲԵՋՅԱՆ
