Aravot.am-ը կապվեց Լիմայում ընթացող մինչեւ 20 տարեկան ծանրորդների աշխարհի առաջնությունում 58 կգ քաշային կարգում փոքր բրոնզե մեդալ նվաճած Իզաբելլա Յայլյանի հետ եւ կարճ հարցազրույց վերցրեց:
– Մասնակցությունիցդ բավարարվա՞ծ ես:
– Արդյունքս նորմալ է: Բայց կարող էի մի փոքր ավելին անել: Չստացվեց:
-Ի՞նչը խանգարեց:
Կարդացեք նաև
-Կոնկրետ չեմ կարող ասել: Ուղղակի` չստացվեց: Երեւի վարժությունը ճիշտ չկատարեցի եւ ծանրաձողը չկարողացա պահել:
– Հրում վարժությունում երրորդ մոտեցումով գնացիր 110 կիլոգրամի: Այդպիսի քաշ երբեւէ բարձրացրե՞լ էիր:
– Մարզումների ժամանակ` այո: Բայց` ոչ միշտ:
– Երեւանը Լիմայից 9 ժամ առաջ է: Ժամանակի տարբերությանը հասցրե՞լ էիր հարմարվել:
– Այո:
– Առջեւում էլ ի՞նչ կարեւոր մրցումներ ունես:
– Կան: Բայց չգիտեմ, թե որին կմասնակցեմ: Երեւի մինչեւ 20 տարեկանների Եվրոպայի առաջնությանը` սեպտեմբերին:
– Եթե մեկնեցիր, անպայման հաղթելու ես, չէ՞: Այդտեղ դու գերազանցել ես եվրոպացի մրցակիցներիդ:
– Ծանրամարտն անկանխատեսլի է: Դեռ ժամանակ շատ կա: Անպայման հաղթել չեմ կարող խոստանալ: Բայց մեդալ, կարծում եմ, կլինի:
Աշոտ ՀԱԿՈԲՅԱՆ
