ԳԱԼԱ հեռուստաընկերության հետ զրույցում Արցախյան հերոսամարտի հերոս Արկադի Տեր-Թադեւոսյանն ասել է, որ անհասկանալի եւ անընդունելի է Ռուսաստանի կողմից Ադրբեջանին զենք վաճառելու քայլը:
Տեր-Թադեւոսյանը նշում է, որ կան պաշտպանողական եւ հարձակողական նպատակներով կիրառվող զինատեսակներ: Եթե Ռուսաստանը Ադրբեջանին վաճառեր պաշտպանողական տեսակի զինամթերք, ապա դա դեռ ինչ-որ տեղ կարելի կլիներ հասկանալ: Սակայն «Սմերչ» տեսակի զինամթերքը, որով հնարավոր է ոչնչացնել հսկայական տարածքներ, Տեր-Թադեոսյանի կարծիքով, անկարելի էր վաճառել: Արցախյան հերոսամարտի հերոսն ասում է, որ եթե խոսենք այն մասին, որ դա բիզնես է, ե որ Ռուսաստանն էլ տնտեսական շահեր է հետապնդում, ապա նա չպիտի մոռանար, որ Լեռնային Ղարաբաղում հիմա գրեթե պատերազմական իրավիճակ է: Տեր-Թադեոսյանին զարմացնում է հատկապես զինամթերքից ե դրա վտանգավորությունից քաջատեղյակ մարդկանց հանգստությունը:
«Երբ քաղաքական գործիչները ասում են, որ այդ զինատեսակները վտանգավոր չեն, ես դեռ ինչ-որ տեղ գուցե հասկանամ, բայց երբ այդպիսի կարծիք են հայտնում նաև ռազմական փորձագետները, դա արդեն ինձ իսկապես զարմացնում է: Հավանաբար դա հենց մեր թուլությունն է: Այնպիսի տպավորություն է` կարծես թե դրական գործ է կատարվել»,- զարմանք է արտահայտում նա:
Անդրադառնալով Բորդյուժայի այն կարծիքին, որ Ադրբեջանին զենք վաճառելու մեջ վտանգավոր բան չկա, Տեր-Թադեոսյանը ասում է. «Ի՞նչ է, Ռուսաստանը զենք է վաճառել Ադրբեջանին, որ Հայաստանն ու Ադրբեջանը ավելի համերա՞շխ դառնան, ավելի ընկերակա՞ն: Միմյանց զենք տալը երբեք էլ խաղաղություն պահպանելու նպատակ չի հետապնդել, այլ հանգեցրել է ավելի լարված հարաբերությունների, ինչպե՞ս հնարավոր է երկու մարդիկ զենք ունենան ու խաղաղ ապրեն. եթե զենք կա, ապա այն անպայման մի օր կկրակի: Շատ բարդ իրավիճակ է, ուստի ես խիստ բացասական գնահատական եմ տալիս այս ամենին»:
Կարդացեք նաև
Հոդվածն ամբողջությամբ` սկզբնաղբյուր կայքում:
Հիմար լինել կարելի է, բայց հիմար և միաժամանակ պնդաճակատ դա անտանելի է:
ՌԴ-ը կարողա առաջին անգամ է մեզ դավաճանում, մի քիչ կարելի է պատմությունը լավ ուսումնասիրել:
Քիչա մնում ՀՀ ՊՆ և ԱԳՆ-ը մեզ համոզի, որ չնայած մենք դրա մասին վաղուց գիտեինք, բայց ոչ թե քայլեր չենք ձեռնարկել, այլ նաև խրախուսել եք ՌԴ-ին զենքը վաճառի ադրբեջանին քանի որ դա մեզ օգուտ է: Հո իշխանություն չունենք, լրիվ մանկապարտեզ: