27-րդ համաշխարհային ուսանողական խաղերում քիչ առաջ պայքարն ավարտեցին տղամարդկանց 94 կգ քաշային կարգի մարզիկները:
Այս քաշային կարգում Հայաստանը ներկայացնում էր Վարդան Դավթյանը: Պոկում վարժությունից հետո հայաստանցին 165 կիլոգրամով ընթանում էր հինգերորդ տեղում, սակայն տապալվեց հրումում: Չկարողանալով առաջին մոտեցմամբ բարձրացնել 196 կիլոգրամը, նա անպայման մրցանակային տեղ գրավելու նպատակով պատվիրեց միանգամից 202 կիլոգրամ, ու այդ քաշը եւս երկու անգամ չենթարկվեց մարզիկի կամքին: Ստանալով զրո` Վարդան Դավթյանն ընկերակցեց պոկում վարժությունում նույն ճակատագրին արժանացած ադրբեջանցի ծանրորդին:
Աշոտ ՀԱԿՈԲՅԱՆ
