Հայաստանի իշխանությունները պետք է հարգեն ազատ խոսքի, խաղաղ հավաքների իրավունքները և չպետք է խտրականություն դնեն ոչ ոքի առջև: Ասված է «Էմնեսթի Ինթերնեշընըլ»-ի լրատվական խորհրդատուի օգոստոսի 22-ին հրապարակված զեկույցում:
«Ազատ խոսքի իրավունքից պետք է օգտվեն նույնիսկ այն դեպքում, եթե արտահայտված մտքերը վիճահարույց են», – ասել է Հայաստանի գծով «Էմնեսթի Ինթերնեշընըլ»-ի հետազոտող Նատալիա Նոզաձեն:
«Հայաստան. Տարբերվողների համար տեղ չկա» կոչվող զեկույցում արտահայտվում է քաղաքացիական ակտիվիստների և լրագրողների կրած վախն ու սպառնալիքները, որոնք Լեռնային Ղարաբաղի շուրջ Ադրբեջանի հետ հակամարտության երկրի հիմնական տեսակետը կասկածի տակ են դնում, ինչպես նաև վեր են հանում բանակի բռնությունները, որը բարձր հեղինակություն է վայելում չլուծված հակամարտության պատճառով:
Հայաստանի իշխանությունները և՛ ներքին, և՛ արտաքին պարտավորություններ ունեն, որ ակտիվիստները կարող են ծավալել իրենց գործունեությունն առանց որևէ միջամտության, խոչընդոտների, խտրականության կամ իրենց վախեցնելու:
Կարդացեք նաև
«Սա մեծ հակասության մեջ է Հայաստանի իրականության հետ՝ հանրային պաշտոնյաներն արդարացնում են այլ կարծիք ունեցողների նկատմամբ բռնությունները: Այդպիսի հարձակումների արժանացածները հաճախ մնում են առանց համապատասխան պաշտպանության և նրանց նկատմամբ իրագործած հանցանքները չեն պատժվում, ինչը բացասաբար է ազդում ուրիշների վրա», – ասել է Նոզաձեն:
«Արդյունքում լրագրողներն ու մարդու իրավունքների պաշտպանները հաճախ ինքնագրաքննությունն են անում վիճելի հարցերի շուրջ, ինչը հետագայում Հայաստանի հասարակությունում պատճառ է դառնում կարծիքների բազմազանության տարածքի փոքրացմանը»:
Զեկույցը նաև վեր է հանում լեսբուհիների, գեյերի, բիսեքսուալների և տրանսգենդերների (ԼԳԲՏ) նկատմամբ խտրականությունները և նրանց պաշտպանելու իշխանությունների չկամությունը:
Այն արձանագրում է Հայաստանում ԼԳԲՏ մարդկանց նկատմամբ խտրականության և ատելության հողի վրա հանցագործության դեպքերը, ինչպես նաև ակտիվիստների, մարդու իրավունքների պաշտպանների և լրագրողների դեմ իրականացված ոտնձգություններն ու հարձակումները:
Պատրաստեց Հովհաննես ԻՇԽԱՆՅԱՆԸ
