Այլընտրանք կա՞ արդյոք խուսափելու Մաքսային միություն մտնելուց, թե ոչ` հարցին այսօր «Ելակետ» ակումբում պատասխանելով՝ «Մոդուս վիվենդի» կենտրոնի ղեկավար, Կանադայում Հայաստանի նախկին դեսպան Արա Պապյանը նշեց. «Տեսականորեն խորհրդարանը կարող է ոչ ասել, իսկ գործնականորեն, մեր խորհրդարանը ամեն ինչին այո է ասում: Գործնական առումով դա չեմ տեսնում: Միակ գործնական խնդիրը այն է, որ արեւմտյան քաղաքականությունն ասում է`եթե դու իմ հետ լավ լինես, քո առջեւ ճանապարհներ կբացեմ, իսկ ռուսական քաղաքականությունը հետեւյալն է ասում` իմ հետ լավ չես լինի, ես քեզ կպատժեմ»,- ասաց նա հավելելով, որ Մաքսային միությունը մեզ լավ բան չի տալու:
Պապյանի խոսքով`ինքը հավանական էր համարում, որ Ասոցացման պայմանագիրը կստորագրենք, բայց գնալով այս ուղղությամբ՝ ակնկալում էր, որ ինչ որ բան կստանանք, գազի գնի հետ կապված, ԼՂՀ-ի, սակայն, ըստ նրա ստացվեց այնպես, որ կորցրեցինք` դրա դիմաց ոչինչ չստանալով:
Եվա ՀԱԿՈԲՅԱՆ
