Հայաստանի ազգային հավաքականի գլխավոր մարզիչ Լեւոն Ջուլֆալակյանը դրանում կասկած չունի:
«Արթուր Ալեքսանյան-Նիկիտա Մելնիկով եզրափակիչ գոտեմարտում հաղթանակն իրականում մերն է եղել, – այսօր «Հայելի» մամուլի ակումբում հայտարարեց Լեւոն Ջուլֆալակյանը: «Արթուրն այդ գոտեմարտում, թեեւ հոգեբանական խնդիրներ չուներ, բայց ավելի ուշադիր եւ զգոն էր աշխատում: Մինչեւ վերջին պահը նա համոզված էր, որ հաղթանակն իրենն է ու այդ ժամանակ չէր լսում մեր հուշումները, որ էլի միավոր է պետք: Եթե գոտեմարտը դիտել եք, վերջում Մելնիկովը կախվում էր Ալեքսանյանի թեւերից, ասես, խնդրելով, որ իր հետ այլեւս ոչինչ անել պետք չէ: Համոզված եմ, որ այդ վերջին 15-20 վայրկյաններին Արթուրն իր վերջին գործողությունը կաներ եւ հաղթական միավորը կվաստակեր: Դա նրա կողմից ճակատագրական սայթաքում էր: Իսկ գոտեմարտը փչացրին մրցավարները: Արթուրն ակտիվ էր, սակայն նրան չգիտես ինչու պասիվություն եւ նկատողություն գրանցեցին», – ասաց Լեւոն Ջուլֆալակյանը եւ շարունակեց, որ Ռուսաստան կա եւ Ռուսաստանը ձգտում է տանել մեդալների առյուծի բաժինը: «Բայց ես այդ գնով նվաճված ոսկին չեմ ընդունում», – թեման ամփոփեց Հայաստանի ազգային հավաքականի գլխավոր մարզիչը:
Աշոտ ՀԱԿՈԲՅԱՆ
