ԱՄՆ-ում գտնվող Վրաստանի նախկին նախագահ Միխեիլ Սաակաշվիլին շնորհավորել է Վրաստանի բնակչությանը Ամանորի կապակցությամբ, գրում է ИТАР-ТАСС-ը:
Սաակաշվիլին, ով գտնվում է Նյու Յորքում Վրաստանի խորհրդարանի երկու պատգամավորների հետ միասին, տեսաշնորհավորանք է ձայնագրել, որը ցուցադրել են մի շարք թբիլիսյան հեռուստաալիքներ: Սաակաշվիլին հայտարարել է, որ «սիրում է Վրաստանի բնակչությանը և հաջողություն է մաղթում երկրի բնակիչներին»: Նա հույս է հայտնել, որ «Վրաստանի կհաղթահարի բոլոր դժվարությունները»:
Դրան ի պատասխան՝ մի շարք վրացի քաղաքական և հասարակական գործիչներ նշել են, որ «Սաակաշվիլին որպես նախագահ ունեցել է բոլոր հնարավորությունները իր գործով երկրի բնակիչների հանդեպ սերը և ուշադրությունը արտահայտելու համար»:
Կարդացեք նաև
Մանրամասները կարդացեք՝ Tert.am-ի կայքում