Վրաստանի նախկին նախագահ Միխեիլ Սաակաշվիլին, որը բանտարկված է, ֆեյսբուքյան էջում մեկնաբանել է Եվրոպական քաղաքական համայնքի (ԵՔՀ) 8-րդ գագաթնաժողովը, որը տեղի է ունեցել Երևանում։
Մենք գործ ունենք պատմական մեծ թյուրիմացության եւ անարդարության հետ:
Կովկասի պատմական կենտրոնը Թիֆլիսն է։ ԵՄ ինտեգրացիան սկսվել է Վրաստանից։ Ավելին, ես Ռադեկ Սիկորսկու եւ Կարլ Բիլթի հետ Արեւելյան գործընկերության նախաձեռնողն էի եւ պատմության մեջ առաջին անգամ ամբողջ Եվրոպան ժամանում է Կովկաս, թռնում Թիֆլիսի վրայով ու 40 րոպեից ավել՝ թռնում Երեւան:
Դա այն գինն է, որ մենք վճարում ենք 2012-ի ընտրությունների համար: Իվանիշվիլին 2013-ին ասել է, որ այն ժամանակվա ՀՀ արտաքին քաղաքականությունն իր համար օրինակելի է: Փաստորեն հիմա Վրաստանը 2013թ-ի Հայաստանի իրավիճակում է։ Մինչդեռ Հայաստանն առաջ է գնացել՝ հասնելով այնտեղ, որտեղ Վրաստանը գտնվում էր 2012 թվականից առաջ։
Կարդացեք նաև
Իմ նախագահության տարիներին սկզբունքորեն պայմանավորվել ենք ֆրանսիական «Արեւայի» հետ Վրաստանում ատոմակայան կառուցել: Այսօր Հայաստանը խլեց այս նախագիծը, ինչպես նաեւ եվրոպական այլ օգուտները:
Սկզբունքորեն Իվանիշվիլին չի ուզում եվրոպական փողեր, քանի որ այս փողը կհարստացնի ողջ բնակչությանը: Նրա համար ռուսական փողը երաշխիք է իրեն եւ շրջակա միջավայրը հարստացնելու համար։ Որովհետեւ բացի ագահությունից, նա հավատում է, որ որքան հարստանում է, եւ աղքատանում մարդիկ, այնքան հեշտ է պահել գողացված իշխանությունը:
Հա էլի, ասեք, եթե կուրսս շարունակվեր, 50 լիդեր ո՞ւր էին ժամանելու այստե՞ղ, թե՞ Երեւան:
