Այսօր Վանաձոր-Ստեփանավան ավտոճանապարհին Վանաձոր քաղաքի բնակիչ Մհեր Գրիգորյանի մահվան դեպքի կապակցությամբ քրեական գործ է հարուցվել ՀՀ քրօր-ի 104 հոդվածի 1-ի մասով` այն է` սպանությունը` ապօրինաբար մեկ ուրիշին դիտավորությամբ կյանքից զրկելը:
Հոդվածը նախատեսում է պատիժ ազատազրկմամբ` ութից տասնհինգ տարի ժամկետով:
Այդ մասին Aravot.am-ի հետ զրույցում տեղեկացրին ՀՀ ոստիկանության Գուգարքի բաժնից:
«Նախաքննություն է սկսվել, առայժմ կասկածյալներ չկան»,-հայտնեցին մեզ:
Կարդացեք նաև
Ճանապարհի նշված հատվածում այսօր հայտնաբերվել էր «Պեժո» մակնիշի ավտոմեքենա, իսկ ներսում՝ տղամարդու դի:
Նախնական տվյալներով Մհեր Գրիգորյանը մահացել է դանակի հարվածներից: Նա նախկին զինվորական էր:
Անուշ ԲՈՒԼՂԱԴԱՐՅԱՆ
