ԵԿՄ համագումարից հետո լրագրողների հետ հարց ու պատասխանի ժամանակ Aravot.am-ը գեներալ Մանվել Գրիգորյանից հետաքրքրվեց՝ ի՞նքն էլ է հրապարակ դուրս եկած ազատամարտիկներին նվնվացող անհատներ համարում ու կիսո՞ւմ է նախագահի կոշտ գնահատականները:
Հիշեցնենք, որ նախագահը հրապարակ դուրս եկած ազատամարտիկներին նվնվացող անհատներ որակեց: «Ազատամարտիկին վատ գնահատական տալը՝ ոչ, իսկ նվնվացողների անվանելու առումով՝ այո: Մեր երկրում առաջնահերթ խնդիրներ ունենք՝ սոցիալական, սահմանների պաշտպանության եւ նմանատիպ այլ խնդիրներ: Հայ ժողովուրդը չի կարող նվնվան լինել: Միլիոն ու կես հայեր ենք կոտորվել, բայց չենք խեղճացել, միշտ շարունակել ենք ապրել, պայքարել, հիմա ազատամարտիկներին չի սազում: Գեներալը, ուսադիր կրող մարդը ասել- խոսելու տեղեր ունի, բայց հրապարակային, փողոցում խոսակցությունով չի կարելի հարցեր լուծել, ու չի էլ լուծվում: Ազատամարտիկը պետք է մնա ազատամարտիկ: Նա պետք է ինքն իրեն առաջինը գնահատի, ազատամարտիկներին ուզում եմ ասել՝ ավելի կարեւոր խնդիրներ կան, չի կարելի սոցիալական խնդիրներ առաջ տանել, իհարկե, իրավունք ունեն, նեղված են ասել, բայց որ ասեն հեղափոխություն ենք անում, էս ենք անում: Անեիք էլի , էդ նույն մարդիկ երեք նախագահ են փոխել, երեք նախագահներին իրենք էլ են ծառայել, էդպես չի լինի, որ էսօր ծառայես, վաղը հայհոյես»:
Արփինե ՍԻՄՈՆՅԱՆ
Զենքը ճիշտ ուղղությամբ չեն պարզել, դրա համար էլ պատժվում են ազատամարտիկները: