Համաշխարհային բանկի եւ Միջազգային ֆինանսական կորպորացիայի կողմից անցյալ տարի հրապարակված` «Կարգավորումների ընկալումը ՓՄՁ-ների համար 2014» վարկանիշային զեկույցից հետո, որի տվյալներով, Հայաստանը 189 երկրների շարքում զբաղեցրել էր 37-րդ տեղը, ՀՀ կառավարությունը «ոտուձեռ» է ընկել: Հասկացել է, որ գործարար միջավայրի հրատապ բարելավում է անհրաժեշտ, որի համար պետք է իրականացնել արագ բարեփոխումներ: Այս մասին տեղեկանում ենք կառավարության վաղվա նիստի օրակարգից:
Էկոնոմիկայի նախարար Վահրամ Ավանեսյանը վաղը վարչապետ Տիգրան Սարգսյանին կներկայացնի Հայաստանի գործարար միջավայրի բարելավման 2014 թվականի միջոցառման ծրագրի որոշման նախագիծը:
Ըստ Վահրամ Ավանեսյանի, իրականացվող բարեփոխումները պետք է զգալիորեն բարձրացնեն Հայաստանի գլոբալ մրցունակությունը եւ արդյունքում բարելավեն Հայաստանի դիրքը` Հայաստանը՝ Համաշխարհային բանկի «Գործարարությամբ զբաղվելը» դասակարգման մեջ:
Պարոն Ավանեսյանի համոզմամբ, բիզնես սկսելու եւ զարգացնելու համար անհարժեշտ է պահանջվող վարչարարական ընթացակարգերի պարզեցում, փոքր եւ միջին ձեռնարկությունների արագորեն աճի խթանում, հարկային եւ մաքսային հավասարակշռված քաղաքականության իրականացում եւ այլն:
Կարդացեք նաև
Լուսինե ԲՈՒԴԱՂՅԱՆ
