Քիչ առաջ ԱԺ ՀՅԴ խմբակցությունում մեկնարկեց ԱԺ չորս ոչ իշխանական ուժերի հերթական փակ քննարկումը:
Հիշեցնենք, որ անցած քառօրյայում ոչ իշխանական խմբակցությունների`գազի հարցով հանձնաժողով ստեղծելու նախաձեռնության տապալումից հետո, վերջիններս քննարկում են կառավարությանն անվստահություն հայտնելու հարցը: Հընթացս, քննարկումների փաթեթ մտավ նաեւ համատեղ հետագա գործողությունների համակարգումը:
Այսօր քննարկմանը մասնակցում են ՀՅԴ-ից Արմեն Ռուստամյանն ու Արծվիկ Մինասյանը, ԲՀԿ-ից` Նաիրա Զոհրաբյանն ու Վարդան Օսկանյանը, «Ժառանգություն»-ից` Թևան Պողոսյանը, ՀԱԿ-ից Լևոն Զուրաբյանը:
Նշենք, որ պատգամավորները քննարկման մեկնարկը ազդարարեցին բավականին բարձր տրամադրությամբ, անգամ անեկդոտով.
Կարդացեք նաև
Ամուսինը կնոջն ասում է. «Այ կին, դեմքիդ արտահայտությունդ էս քանի օրը դուրս չի գալիս. կամ դու ինձ դավաճանել ես, կամ պատրաստվում ես: Կինն էլ արձագանքում է`ինչի՞ կամ-կամ`ե’ւ, ե’ւ»:
Նելլի ԳՐԻԳՈՐՅԱՆ
