Այսօր «Ուրբաթ» ակումբում տեղեկատվության անվտանգության մասնագետ Սամվել Մարտիրոսյանը անդրադարձավ հայկական կայքերի վրա ադրբեջանցիների կողմից փետրվարի 26-ին իրականացրած հարձակմանը, որի արդյունքում շուրջ 300 կայք էր շարքից դուրս եկել:
Սամվել Մարտիրոսյանի փոխանցմամբ՝ ադրբեջանցիների հարձակումից վնասված կայքերն աշխատել են հակահայկական քարոզչություն տարածելով:
Տեղեկատվության անվտանգության մասնագետը նշում է, թե դա պլանային երկրորդ հարձակումն էր:
Սամվել Մարտիրոսյանի փոխանցմամբ, ամեն տարի այդ օրը՝ Խոջալուի դեպքերի առթիվ, ադրբեջանցիները հարձակում են իրականացնում, իսկ այս տարվանը առանձնահատուկ է եղել նրանով, որ նրանք հայկական կայքերը չկոտրելով են փչացրել:
«Ադրբեջանցիների ջանքերի շնորհիվ օգտատերը բացելով հայկական կայքը, հայտնվում էր Բաքվի կայքում, որում Խոջալուի մասին քարոզչություն է տարվում: Այս գիշեր եւս որոշ կայքեր են կոտրել ու հնարավոր է այդ հարձակում շարունակվի եւս մի քանի օր»,- ավելացրեց նա:
Սամվել Մարտիրոսյանը գտնում է, որ ադրբեջանցիները հայկական կայքերը փչացնելու առումով բավականին հաջողված գործ են արել, իսկ մենք այսօր խնդիր ունենք, այն՝ «Ազգային մակարդակի խնդիրն է: Ադրբեջանցիները .am տիրույթի անվան հետ են խաղում, ու ցավոք մեր հասարակությունը բավականին քնած է ու լավ չի ընկալում այս խնդիրը, բայց դա նաեւ սպառողների խնդիրն է, որը չպետք է անուշադրության մատնել»:
Կարդացեք նաև
Եվա ՀԱԿՈԲՅԱՆ
