Aravot.am-ը Արարատյան հայրապետական թեմի առաջնորդական փոխանորդ տեր Նավասարդ արքեպիսկոպոս Կճոյանից այսօր հետաքրքրվեց՝ մտահոգություն չունի՞, որ իր սանիկ Աշոտ Սուքիասյանի արտահանձնումից հետո օֆշորային սկանդալի հետ կապված նոր մանրամասներ կբացահայտվեն:
Սրբազանը չցանկացավ մեկնաբանել՝ ընդամենն ասելով. «Իրավաբանների հարցերին չեմ խառնվում»:
Հիշեցնենք, որ փետրվարի սկզբին Վրաստանում ձերբակալվել էր Թուրքիայից օդային ճանապարհով Վրաստան ժամանած Աշոտ Սուքիասյանը: Թբիլիսիի միջազգային օդանավակայանում Աշոտ Սուքիասյանի փաստաթղթերի ստուգման ժամանակ պարզվել էր, որ նրան «Ինտերպոլի» միջոցով հետախուզում է Հայաստանի ոստիկանությունը։
Գոհար ՀԱԿՈԲՅԱՆ
