ԱՄՆ-ի նախագահ Բարաք Օբաման Ռուսաստանի նախագահ Վլադիմիր Պուտինին առաջարկել է ուկրաինական ճգնաժամից դուրս գալու այնպիսի սցենար, որը կբխի Ուկրաինայի, միջազգային հանրության եւ Ռուսաստանի շահերից: Երկու լիդերների հեռախոսազրույցը տեղի է ունեցել Օբամայի նախաձեռնությամբ, այս գիշեր ու տեւել շուրջ մեկ ժամ. հաղորդում է Lenta.ru-ն :
Օբամայի կարծիքով, Ռուսաստանը եւ Ուկրաինան պետք է բանակցություններ վարեն միջազգային հանրության օգնությամբ, իսկ միջազգային դիտորդները կդառնան երաշխավոր, որպեսզի հարգվի Ուկրաինայի բոլոր քաղաքացիների, այդ թվում՝ էթնիկ ռուսների իրավունքները, ռուսական զորքերը պետք է վերադառնան իրենց բազաները, իսկ միջազգային հանրությունը պետք է աջակցի Ուկրաինային՝ մայիսին կայանալիք ընտրությունների կազմակերպչական աշխատանքներում:
Օբաման նաեւ ավելացրել է, որ պետքարտուղար Ջոն Քերին կշարունակի ՌԴ-ի ԱԳ նախարար Սերգեյ Լավրովի եւ Ուկրաինայի նոր իշխանությունների հետ բանակցությունները, որպեսզի մոտենան կոնֆլիկտի դիվանագիտական լուծմանը: Այս մասին նշված է Սպիտակ տան տարածած հաղորդագրության մեջ:
Պուտինն իր հերթին ընդգծել է ռուս-ամերիկյան հարաբերությունների առաջնահերթ կարեւորության մասին, աշխարհում կայունության ու անվտանգության ապահովման համար: Նա նաեւ նշել է, որ ռուս-ամերիկյան հարաբերությունները չպետք է զոհաբերվեն:
Կարդացեք նաև
Եվա ՀԱԿՈԲՅԱՆ
