«Սինջար եզդիների միավորում» հ/կ նախագահ Բորիս Մուրազին իրենց վիրավորած ՀՀԿ-ական պատգամավոր Մանվել Բադեյանին ԱԺ էթիկայի հանձնաժողովի նիստերին չի տեսել: Առանձին հանդիպում են ունեցել ԱԺ-ից դուրս, եւ լսել պատգամավորի արդարացումները, թե ինքը չի վիրավորել եզդիներին, լրագրողների սադրանքն է պատճառը:
Հիշեցնենք, որ այսօր դռնփակ նիստում ԱԺ էթիկայի հանձնաժողովը քննել է եզդիների հասցեին վիրավորական արտահայտություններ ուղղած Մանվել Բադեյանի հարցը:
«Մեր ակնկալիքների մեջ չի մտնում Մանվել Բադեյանի ներողություն խնդրելը, առաջնահերթ մեզ համար կարեւոր է անհատ պատգամավորի թույլ տված սխալի գնահատականը ԱԺ էթիկայի հանձնաժողովի կողմից: Պարոն Բադեյանը հանդիպման ժամանակ պնդում էր, թե ինքը նման բան չի ասել, չի վիրավորել, լրագրողներն են մեղավոր, բայց չեմ համաձայնում նրա պնդմանը, թե լրագրողներն են մեղավոր, այդ դեպքում ինքը պետք է բարձրաձայներ այն փաստը, որ խեղաթյուրվել է իր խոսքը ու անհապաղ ձեռնամուխ լիներ իր իրավունքների պաշտպանությանը դատարանում»,- ասաց պարոն Մուրազին:
Նա դեռ չի շտապում պատգամավորի պահվածքի վերաբերյալ հանձնաժողովի գնահատականի մասին մտածել:
Կարդացեք նաև
Թե ինչու նախորդ նիստերին էլ պարոն Բադեյանը չի մասնակցել, եզդիները չգիտեն, բայց պարոն Մուրազիի տեղեկություններով, այս շաբաթ նորից նիստ է նախատեսվել, այս անգամ Մանվել Բադեյանի մասնակցությամբ, որի ընթացքում պատգամավորը կասի իր դիրքորոշումը:
Արփինե ՍԻՄՈՆՅԱՆ
