Մի շարք գործատուների հաշվապահներ դեռ չգիտեն, Սահմանադրական դատարանի` «Կուտակային կենսաթոշակների մասին» օրենքի կուտակային պարտադիր բաղադրիչի դրույթները հակասահմանադրական ճանաչելուց հետո, ինչ մեխանիզմով են աշխատակիցներին վերադարձնելու պարտադիր գանձված գումարները: Մինչ այդ, կառավարության պատասխանատուները վստահեցնում էին, որ դրանք կվերադարձվեն առանց խնդիրների:
Մեր զրուցակից հաշվապահների խոսքերով, դեռեւս որեւէ հստակ տեղեկատվություն չկա, թե գումարներն ինչպե՞ս են վերադարձնելու, չնայած նրան, որ ամիսներ առաջ կառավարությունը քննարկել է եկամտային հարկով այն փոխարինելու տարբերակը: Այսինքն` արդեն կատարված վճարումները ֆիննախը կդիտարկի եկամտային հարկի մի մաս, կախված որքան է եղել տվյալ աշխատողի համար կատարված պարտադիր վճարը, եւ եկող ամիս տվյալ անձից այդքան չափով եկամտահարկ չի պահվի եւ գումարը կնստի աշխատողի հաշվին: Ներկայումս, սակայն, հաշվապահների խոսքերով, նման տարբերակի մասին, կարծես թե խոսք չկա:
Մի շարք կազմակերպություններ, հունվար, փետրվար եւ մարտ ամիսներին
աշխատակիցներից կատարած պահումները «նստեցրել» էին կազմակերպության միջոցներին, եւ, պարզապես՝ պարտք մնացել բյուջեին, ըստ հաշվապահների, այդ կազմակերպությունները կարող են, առանց խնդիրների, պահումներ կատարած գումարները վերադարձնել:
Կարդացեք նաև
Լուսինե ԲՈՒԴԱՂՅԱՆ
