Ազգային ժողովում այսօր արտաքին հարաբերությունների հանձնաժողովը կազմակերպել է փակ քննարկում՝ «Սիրիայի հայաբնակ Քեսաբ քաղաքում եւ հարակից բնակավայրերում ստեղծված իրավիճակը եւ հայկական համայնքին հնարավոր աջակցությունը» թեմայով :
Որեւէ հավելյալ տեղեկություն չէր տրամադրվել, այդ իսկ պատճառով քննարկման ժամանակ մեկ րոպեով դահլիճից դուրս եկած ԱԳ փոխնախարար Սերգեյ Մանասարյանից «Առավոտը» հետաքրքրվեց, թե ի՞նչ է կատարվում ներսում, ի՞նչ արդյունք պիտի լինի այս քննարկումից՝ հայտարարությո՞ւն, որոշո՞ւմ, թե՞ ինչ… Պարոն Մանասարյանն ասաց, որ սա ուղղակի փակ հանդիպում է, պատգամավորներին արտաքին գործոց եւ սփյուռքի նախարարության ներկայացուցիչները ներկայացնում են, թե ինչ է արվել եւ ինչ է արվում Քեսապի հայերի համար:
Իսկ թե ինչպես կանդրադառնա կառավարության հրաժարականը՝ այդ ծրագրերի վրա, պարոն Մանասարյանը չցանկացավ պատասխանել, ասաց, որ այդ մասին որեւէ մեկնաբանություն չի տալիս:
Մելանյա ԲԱՐՍԵՂՅԱՆ
Կարդացեք նաև
