Այսօր Երեւանի քաղաքապետարանում տեղի ունեցած հասարակական տրանսպորտի ուղեվարձի հարցը քննարկող հանձնաժողովի նիստում ներկայացվեց վերգետնյա տրանսպորտային միջոցների ուղեւորահոսքի ուսումնասիրությունը, որը դեկտեմբեր ամսին կատարել էր «Այ Փի Էս Սի» քաղաքական եւ սոցիոլոգիական խորհրդատվությունների ինստիտուտը: Դիտարկվել է միկրոավտոբուսներից, ավտոբուսներից առավոտյան ժամը յոթից մինչեւ կեսգիշեր օգտվող ուղեւորների քանակը:
Հիմք ընդունելով մետրոյից օգտվող ուղեւորների տվյալների բազան, «Այ Փի Էս Սի» ընկերության մասնագետների հաշվարկները ցույց են տվել, որ, ներառյալ` տրանսպորտի պահպանման եւ շահագործման ծախսերը միկրոավտոբուսի ուղեվարձը պետք է լինի 207 դրամ, դիզելով ավտոբուսինը՝ 252 դրամ, բնական գազով աշխատող ավտոբուսի ուղեվարձը՝ 196 դրամ:
Ուղեվարձի այսպիսի տարբերակը վերջնական չէ եւ նիստը վարող Երեւանի փոխքաղաքապետ Վահե Նիկոյանը հանձնաժողովի անդամներին կոչ արեց քննարկել եւ գտնել այն օպտիմալ տարբերակը, որը կգոհացնի նաեւ ուղեւորներին:
Կարդացեք նաև
Իսկ թե շաբաթական որքան ուղեւոր է օգտվում վերոնշյալ տրանսպորտի միջոցներից, որքան են կազմում տրանսպորտային միջոցների շահագործման եւ պահպանման տարեկան ծախսերը եւ ինչ մեթոդաբանությամբ են ուղեւորահոսքը հաշվարկող մասնագետները ստացել տրանսպորտի ուղեվարձի այդ սակագինը՝ նյութի մանրամասները՝ շուտով:
Լուսինե ԲՈՒԴԱՂՅԱՆ
