ԵԱՀԿ Մինսկի խմբի ամերիկացի համանախագահի շուրջ Ադրբեջանում կրքերը չեն հանդարտվում։
Մինսկի խմբի գործունեությունից մշտապես դժգոհ պաշտոնական Բաքուն Ջեյմս Ուորլիքին մեղադրում է քաղաքական կանխակալության մեջ։ Ադրբեջանի փոխարտգործնախարար Արազ Ազիմովը, փոքր-ինչ ուշացումով մեկնաբանելով Ուորլիքի մարտի 23-ի գրառումը այն մասին, որ «ղարաբաղյան հակամարտությունը Լեռնային Ղարաբաղի և Ադրբեջանի միջև է», հայտարարել է, թե Ջեյմս Ուորլիքը պետք է ավելի լավ ծանոթանա, տեղեկանա և ուսումնասիրի Մինսկի խմբի փաստաթղթերը և հետո միայն բանավեճի մեջ մտնի՝ հավելելով, որ նման հայտարարություններում քաղաքական կանխակալություն է դիտարկվում։
«Հակամարտության կողմերը Հայաստանն ու Ադրբեջանն են, իսկ ոչ մեծ՝ 30-հազարանոց էթնիկ խմբի բնակվելը ինչ-որ տարածքում նրան այդ տարածքին հավակնելու իրավունքներ և հիմքեր չի տալիս»,- ասել է Ազիմովը և ենթադրել՝ Ուորլիքը այդ հայտարարությունն արել է Հայաստանին հանգստացնելու համար, քանի որ «Հայաստանը փորձում է ԼՂ-ն ներկայացնել որպես պետական միավոր»:
Ազիմովը իր խոսքը եզրափակել է՝ կոչ անելով Ուորլիքի խոսքերին լուրջ չվերաբերվել։
Կարդացեք նաև
Սակայն ամերիկացի համանախագահի այս գրառման շուրջ կրքերը դեռ չհանդարտված նոր աղմուկ է բարձրացել նրա երեկվա գրառման շուրջ։ Երեկ ամերիկացի համանախագահը «Թվիթեր»-ում գրել է, թե հանդիպել է Ամերիկայի Հայ դատի հանձնախմբի նախագահ Քեն Խաչիկյանի հետ՝ հավելելով, որ Խաչիկյանը «ամերիկահայերի հստակ ձայնն է»:
Մանրամասները կարող եք կարդալ` «Ազատություն» ռ/կ -ի կայքում
