Վիճծառայության պաշտոնական տեղեկատվությամբ՝ այս տարվա հունվար-մարտ ամիսների ընթացքում Հայաստանից մեկնել եւ չի վերադարձել 28 հազար 447 ՀՀ քաղաքացի:
Սա մոտ 7000-ով քիչ է, քան անցյալ տարի նույն ժամանակահատվածում մեկնողների թիվը՝ 35 հազար 500 քաղաքացի: Այս առնչությամբ Aravot.am-ի հետ զրույցում Ժառանգություն կուսակցության գլխավոր քարտուղար Ստյոպա Սաֆարյանը մեր հարցին՝ կարո՞ղ ենք ասել, որ իշխանություններին հաջողվում է կասեցնել արտագաղթը՝ պատասխանեց. «Պատճառը Ռուսաստանի միգրացիոն քաղաքականությունն է:
Բազմաթիվ մարդիկ չեն կարողանում մեկնել: Եվ հետո Ռուսաստանում տնտեսության հետ կապված խնդիրներ կան եւ դա թույլ չի տալիս արտագնա աշխատանքի մեկնող շատ հայերի մեկնել: Վերջին հաշվով դա ոչ թե մեր կառավարության քայլերի արդյունքն է, այլ Ռուսաստանում եւ ՌԴ-ի շուրջ ստեղծված իրավիճակի արդյունքը»:
Մեր դիտարկմանը, որ հնարավո՞ր է մեր երկրում էլ մարդ չի մնացել, դրա համար տարեցտարի մեկնողների թիվը կրճատվում է՝ Ստյոպա Սաֆարյանը պատասխանեց. «Դա էլ կա: Ի՞նչ կա որ: Մնացել են թոշակառուները եւ էլի մի քանի հոգի»:
Կարդացեք նաև
Հռիփսիմե ՋԵԲԵՋՅԱՆ
