Մեծ Բրիտանիայի արտգործնախարար Ուիլյամ Հեյգը հինգշաբթի օրը հանդես է եկել հայտարարությամբ, որի համաձայն ինքը չի տեսնում Ուկրաինայի սահմաններից Ռուսաստանի զորքերը հետ քաշելու որևէ նշաններ:
Մեծ Բրիտանիայի արտգործնախարարը, բացի այդ, կոչ է արել Ուկրաինայի արևելքում գործող ռուսաստանամետ անջատողականներին հրաժարվել Ուկրաինայից այս տարածքների անկախության և Ռուսաստանին միանալու հարցի շուրջ ծրագրված հանրաքվեի անցկացումից:
Վրաստան կատարվող այցի ընթացքում Մեծ Բրիտանիայի արտգործնախարարի հայտարարությունն համընկնում է ՆԱՏՕ-ի, Պենտագոնի և ԱՄՆ-ի Սպիտակ տան դիրքորոշման հետ. Հեյգը կասկածի տակ է դրել Ռուսաստանի նախագահ Վլադիմիր Պուտինի կողմից Ուկրաինայի սահմաններից զորքերը հետ քաշելու մասին հայտարարությունը:
«Մենք չենք տեսնում որևէ վկայություններ այն մասին, որ Ռուսաստանի զորքերը հետ են քաշվում այն շրջաններից, որտեղ նրանց տեղակայված են եղել վերջին մի քանի շաբաթվա ընթացքում: Դրանց մեծ քանակություններ շարունակում են մնալ Ուկրաինայի արևելյան սահմանների մոտ», – ասել է Հեյգը Թբիլիսիում անցկացված մամուլի ասուլիսի ժամանակ:
Կարդացեք նաև
Արմեն Հովհաննիսյան
Նյութի մանրամասները կարդացեք «Ամերիկայի Ձայն»-ի կայքում
