Ռուսաստանի վարչապետ Դմիտրի Մեդվեդևը ամերիկյան «Բլումբերգ» հեռուստակայանին տված հարցազրույցում ասել է, որ Ռուսաստանի նկատմամբ ԱՄՆ-ի պատժամիջոցները տանում են դեպի սառը պատերազմ, փոխանցում է «ԻՏԱՌ-ՏԱՍՍ»-ը:
«Ըստ էության, մենք դանդաղ, բայց հստակ քայլերով շարժվում ենք դեպի երկրորդ սառը պատերազմ, որը ոչ մեկին պետք չէ», – կարծում է Մեդվեդևը, – «Քաղաքականության արվեստը առավել զուսպ, հաշվարկված, նուրբ, խելացի, բանական լուծումներ գտնելն է, ինչը նախագահ Օբամային երկար ժամանակ հաջողվում էր, բայց այն ինչ արվում է հիմա, ցույց է տալիս, որ նման որոշումներ կայացնելու պաշարները ԱՄՆ-ի վարչակազմի մոտ սպառվել է, և դա վատ է նաև ԱՄՆ-ի համար», – ասել է նա՝ ավելացնելով, որ Օբաման կարող էր քաղաքական ավելի մեծ նրբազգացություն դրսևորեր:
«Շատ ափսոս, որ այն ինչ մենք նախկինում միասին արել ենք, այն արդյունքները, որոնց հասել էինք, այժմ բազմապատկվում են, ինչպես ընդունված է ասել, զրոյով», – հայտնել է ՌԴ վարչապետը՝ հավելելով, որ Օբամայի պաշտոնավարումից հետո կգա նոր վարչակազմ և բոլորը կմոռանան Ռուսաստանի դեմ պատժամիջոցների մասին:
Կարդացեք նաև
Պատրաստեց Հովհաննես ԻՇԽԱՆՅԱՆԸ
